Pänituoddâr áinoo merkkejum vandârdempäälgis jotá Pahaojast Avveeljuuvâ Kuldalân. Taat lii hiäivulâš čuosâttâh oovtâ iijâ vandârdem várás. Kuávlu váimusoosijn iä lah merkkejum vandârdempálgáh. Peivivandârdem Pänituoddâr meecist uáivild vistig luuvij kilomeetterij maađhijd mecciautomaađijij mield já tast maŋa jotteem merkkiihánnáá pálgái mield. Tágáreh peivimätkičuosâttuvah pyehtih leđe Rávdujäävri peivitupe tâi Čuoivâjäävri ävđintupe. Čuosâttuvah heivejeh tuše sundedemtáiđusijd, já toi vyelgimsoojij kuuvl kalga jotteeđ vistig luuvijd kilomeetterijd mecciautomaađijij mield.

Vuoluubiäláin vandârdempálgáin láá fáárust meid aldakuávlui vandârdempálgáh Lemmee aalmuglâšmeecist, Urho Kekkos aalmuglâšmeecist já Suáluičielgi kuávlust.