Olmooš jávuttuvá Pänituoddâr vijđes meccikuávlu maaŋgâpiälásii luándu oovdâst. Puáris pecivyevdih vaarij já tuoddârij maddust, tuodârjäävrih já -juuvah já Avveeljuuvâ korguus piirâs hokâttâl vyelgiđ kuhes vandârdemmuhhijd. Kuávlu áinoo merkkejum päälgis jotá Pahaojast Avveeljuuvâ Kuldalân, já ton pálgá mield Avveeljuuvâ piäsá rastaldittiđ hiäŋgušalde mield. Meccikuávlun láá šoddâm maađijeh já pálgáh kollekuáivumpargoi, meccipargoi já puásuipargoi keežild. Pálgáh uáinojeh káártáin.

Meccikuávlu suápá hárjánâm vandârdeijeid, tondiet ko kiäinu kalga vuáváđ jieš nuuvt vyelgimsaje ko juuvâ rastaldittem peeleest já väldimáin jeggivijđoduvâid huámášumán. Pänituoddâr meecist kalga ijjâdiđ jieijâs telttaast: tupeviärmádâh lii kärži já tot lii tiäduttum Avveeljuuvâ piällás.

Vajâldiđ puáhtá meccikuávlu čoođâ tâi jotemáin rieggeekiäinu. Jis tun kiävtáh almos jotteemriäiduid, te vyelgimsoojijd kalga valjiđ Laanilist tâi Anarist. Jis tun jođáh jieijâd vuájánáin, te vyelgimsaijeen pyehtih leđe om. Passaašjäävri tavekeeči Avveel peht jođedijn tâi Čuoivâjäävri ävđintuve aldasáid tuálvoo mecciautomaađij.

Avveeljuuhâ luáddu Pänituoddâr meeci tego kanjon. Áinoo juuvâ rastaldittee šalde lii Kuldalist.