Pänituoddâr meccikuávlu heivee hárjánâm čuoigâmvajâldeijei. Vaajâldmij ijâstâllâmsaijeen puáhtá kevttiđ kuávlu tuuvijd. Kuávlu tuveh láá sajadum iänáážin Avveeljuuvâ piällás, já nuuvtpa čyeigee ijjâd stuárráámus uási vaajâldmist telttaast. Kuávlust iä lah merkkejum čuoigâm- tâi tälvivajâldempálgáh. Moottorkiälkkárađe jotá kuávlu tavenuorttiiuásist Rávdujäävri já Pännijäävri puotâ Aanaar markkân kuávlun.

Lase čuoigâmvaajâldmist:
Äššitobdee oonah luhostum tälvivajâldem várás, Suomâkielâ
Čuoigâmvajâldem tuoddârân – oonah vuossâmuu máátkán vyelgei, Suomâkielâ

Päniskääiđist tun puávtáh nuurrâđ luándu adalduvâid mätkipurrâmâšâi olán tâi puáttiđ peivimacâi muorjiđ. Kuávlu enâmeh láá ruáváseh, mut tobbeen šaddeh juuŋah, sareh já luámáneh, jis tiäivá hiäivulijd šoddâmenâmáid. Kuobbârijd, eromâšávt taatijd, ruávskuid já smiäruhijd sáttá kavnâđ pyereest, já taid puáhtá puáimuđ koorin, jis ij haalijd kyeđđiđ taid puásuiulmui taavij mield poccuid čoovčâ herskupurrâmâššân.