Avveeljuuhâ lii fijnâ miällumčuosâttâh jieškote-uvlágánij kuoškâidiskuin. Määđhi puáhtá algâttiđ Avveel Maatist tâi Kuttoorist já juátkiđ ain Aanaarjäävri räi. Aaibâs algâttellee miälloi kiäinu Avveeljuuhâ ij lah. Kuttoor já Avveel kooskâst láá 30 kuoškâsaijeed já alodâhiäru lii 82,5 m. Veikkâ Avveeljuuhâ lii-uv keessiv cuávis já kiäđgáá, te tot lii lyeštittettee ubâ keesi ääigi.

Avveeljuuvâ piällást láá maŋgâ ävđin- já láigutuve. Miälloi pivnohistem ijâstâllâmsajeh láá eromâšávt Avveeljuuvâ Kuldal ävđin- já láigutupe, väridemtupe (Viehâtupe) sehe Ryettikuoškâ ävđin- já láigutupe.

Avveeljuuvâst puáhtá miälluđ kanotijguin, kajakijguin já packraftijguin