Vánddardančuozáhagat
Oza čuozáhaga, johtolaga dahje sajádagaOhcan álgá automáhtalaččat, go unnimustá guokte mearkka leat čállojuvvon. Sirdás ohcanbohtosiidda njuolaiguin vulos dahje bajás.
Meahciráđđehusa Luonddubálvalusat lea váldán eret billahuvvan eananávdnasa golmma boares golleroggamis adnojuvvon mašiinna vuolde Leammi álbmotmeahcis. Goaivunmašiinnain leat golgan unna mearáš olju mašiinnaid vuollái eananvuđđui. Billahuvvan eanan lea goivojuvvon eret mašiinnaid vuolde oktiibuot 22 seahka, árvvu mielde vádjit 700 kilo.
Loga lasi
Heahttá–Bállás -vánddardanjohtolagas Bállás-Ylläsduoddara álbmotmeahcis Duottar-Lappis sáhttá 2027 geasi rájes cahkkehit dola bosihansajiin dušše stobuin ja gođiin. Olgodollasajit stobuid bálddas váldojit eret anus dán čavčča ja boahtte giđa áigge.
Loga lasi
Luontoon-bálvalusa nuortalašgielat siidduide almmustahtte 15.10.2026 čuozáhatgovvádusaid nuortalašgiela giellaguovllu guovddáš luonddus ja vánddardančuozáhagain. Mihttomearrin lea fállát ain gokčevaččabut dieđuid nuortalaččaid ruovttuguovllu vánddardančuozáhagain ja luonddus nuortalašgillii. Luontoon-bálvalus ovddiduvvo olles áigge, ja maiddái nuortalašgielat sisdoallu dievasmuvva ja viidu muttuid mielde.
Loga lasi
Suomas áice dán gease njeallje njála bessema Eanodaga guovllus. Besiin gávnnahedje oktiibuot unnimustá 11 čivgga. Lassin okta njállapárra lei beassebáikkis Ohcejoga duottarguovllus, muhto čivggaid eai doppe áican. Njála váldobiebmun leat muolddahat, maid mearri lea lassáneamen duottarguovlluin. Dat veahkeha bessemiid lihkostuvvamis, ja lohpida vejolaččat vel buorit bessenbohtosa boahtte jahkái.
Loga lasi
Mávssuvuollásaš parkerema geahččaleapmi álgá Sipoonkorpi álbmotmeahcis oaivegávpotguovllus, Koli álbmotmeahcis Davvi-Gárjilis, Riisitunturi álbmotmeahcis, Gilonanoaivvis Urho Kekkonen álbmotmeahcis ja Korouoma suodjalanguovllus Lappis čakčamánu álggus. Parkerenmávssuin boahtán sisaboađut mannet vánddardančuozáhagaid bajásdollui. Mihttomearrin lea gokčat goluid, mat bohtet parkerenguovlluid, geainnuid ja vánddardanráhkadusaid bajásdoallamis.
Loga lasi
Meahciráđđehusa Luonddubálvalusat ja Eanodaga gielda leat juksan mannan jagi vuolggahuvvon ráđđádallamiin oktasašipmárdusa Gilbbesjávrri luondduguovddáža vuovdimis ja vuovdinhattis. Ráđđádallamiid boađusin Eanodaga gielddaráđđehussii evttohuvvo luondduguovddášviesu ja sullii ovtta hektára sturrosaš mearreviidodaga oastin hattiin 370 000 euro.
Loga lasi
Stáhta guovlluid meahccebivdogohcin beavttálmuvvá čakčat, go Lappii bálkáhuvvojit guokte ođđa meahccebivdogohcci. Dás duohko Meahciráđđehusas barget 13 fásta meahccebivdogohcci. Ođđa meahccebivdogohcciid rekryteregohtet geasseluopmobaji maŋŋá.
Loga lasi
Meahciráđđehus lea ožžon gárvvisin evttohusa Bievrrašjávrri meahcceguovllu dikšun- ja geavahanplánas ja bivdá máhcahaga 4.6.2026 rádjái. Gulaskuddamis buohkain beroštuvvan beliin lea vejolašvuohta kommenteret evttohusa sisdoalu.
Loga lasi
Meahciráđđehusa ”Meahccejohtalus golmma davimus gielddas” -gažadeapmái leat álgojagis vástidan jo measta 800 áššis beroštuvvan olbmo. Čielggadeami mihttomearrin lea gártet mohtorgielkávuodjima ja eará meahccejohtalusa heajos beliid, buoridit dorvvolašvuođa ja dovdát daid dárbbuid, maidda dáláš láhkaásaheapmi ja lohpemeannudanvuogit eai vástit.
Loga lasi
Bállás-Ylläsduoddara álbmotmeahccái lea gárvánan ođđa dálkkádatviissis turismaplána, mas turisma ovddideami stivrejit dálkkádatboahttevuođat ja konkrehtalaš vuogáiduvvandoaimmat. Gažaldagas lea vuosttamuš álbmotmeahci turismaplána Suomas, mas dálkkádatnuppástus lea váldon plánema vuolggasadjin.
Loga lasi
