Bálvalusa govvádus
Lundui-bálvalusain oaivvilduvvo dás Luontoon.fi-neahttabálvalusa ja Lundui-heivehusa. Lundui-bálvalusa (maŋŋeleappos maiddái 'neahttabálvalus' dahje 'bálvalus') buvttada ja bajásdoallá Meahciráđđehus, mii lea eana- ja meahccedoalloministeriija vuolde doaibmi stáhta fitnodatlágádus (Y-dovddaldat: 0116726-7). Lundui-bálvalus čoahkkana siidduin mat sisttisdollet dieđu.
Geavaheaddji čatnasa geavahit Lundui-bálvalusa dáid geavahaneavttuid, lága ja buorre vuogi mielde. Bálvalus lea nuvttá.
Buot bálvalusas ovdanboahtán dieđut leat oaivvilduvvon dušše beare informatiiva geavahussii, iige dieđuid galgga áddet juridihkalaš, gávppálaš jed. neavvun. Meahciráđđehus ii vástit bálvalusas ovdanbuktojuvvon dieđuid heivvolašvuođas geavaheaddji dárbbuide dahje dáid dieđuid vuođul dahkkojuvvon doaimmaid bohtosiin.
Geavahanvuoigatvuohta materiálii, mii almmustahttojuvvo fierbmebálvalusas
Luontoon.fi-fierbmebálvalusa oažžu geavahit dušše ovttaskas, ii-gávppálaš dárkkuhussii. Geavaheaddji ii oaččo eará ládje ávkkastallat bálvalusain dehe dan osiiguin almmá Meahciráđđehusa čálalaš lobi haga. Bálvalusa buot vuoigatvuođat, dahkkivuoigatvuođat daid mielde, gullet Meahciráđđehussii ja/dehe dan oktasašbargoguimmiide. Geavaheaddjis ii leat almmá ovddalgihtii ožžojuvvon lobi šiehtadusa haga vuoigatvuohta viiddidit, almmustahttit, jorgalit dehe rievdadit áššegirjjiid dehe materiála dehege luobahit daid muhtin goalmmát oassebeali atnui.
Lundui.fi- fierbmebálvalusa siidduid dehe daid osiid oažžu čálihit geavaheaddji iežas, persovnnalaš anu várás.
Diehtočoahkuid geavaheapmi
Luontoon-bálvalusas geavahuvvojit diehtočoahkut, main oassi laktásit neahttabálvalusa doaimmalašvuođaide ja oassi neahttabálvalusa geavaheami mihtideapmái ja statistihkaid ráhkadeapmái. Neahttalogana válljemiin sáhttá háliidettiinis gieldit diehtočoahkuid vuostáiváldima dahje váldit eret neahttaloganii vurkejuvvon diehtočoahkuid. Dát sáhttá goittotge dagahit váilliid siiddu doaibmamis.
Loga eambbo diehtočoahkuid geavaheamis diehtosuodječilgehusas.
Geavaheaddjiid máhcahagat
Lundui-bálvalusas geavahuvvo Hotjar-bargoneavvu, mii ávkkástallá diehtočoahkuid. Dat lea áššehasvásihusa mihtideapmái (NPS-jearahallan). Sáhtát eastit Hotjara geavaheami diehtočoahkkoásahusain. Dieđut čoggojuvvojit ja gieđahallojuvvojit anonyman, iige čoggojuvvon dieđuid sáhte ovttastit ovttaskas geavaheaddjái. Jearahallan ii vurke čoakkándieđuid. Lassedieđut Hotjara geavahaneavttuin ja diehtodorvvus (hotjar.com, eaŋgalasgillii).
Skovi sádden ja bottaid dovddasteapmi
Máhcahatskovi sádden gáibida automáhtalaš bottaid dovdáma, man čađaha Cloudflare Turnstile -bálvalus. Dovdán álgá easkka, go deaddilat skovi “Sádde”-boalu. Turnstile sihkkarastá, ahte skovi deavdá olmmoš, ja eastá boasttogeavahusa. Turnstile geavahusas heivehit maiddái Cloudflare geavahaneavttuid (cloudflare.com, eaŋgalasgillii).
Bálvalusa bajásdoallan ja vahátbuhttengeatnegasvuohta
Meahciráđđehus viggá bajásdoallat Lundui.fi-fierbmebálvalusastis nu feaillahis ja alladásat dieđu go vejolaš, muhto ii atte dáhkádusa siidduidis dievaslašvuođas dehe sisdoalus. Meahciráđđehusas lea vuoigatvuohta buoridit ja rievdadit bálvalusa sisdoalu ja ráhkadusa.
Meahciráđđehusas ii leat ovddasvástádus das, ahte bálvalusa oažžu bistevaččat iige dat dáhkit, ahte bálvalus doaibmá geavahanboatkkaid haga dehe feaillaheamit. Meahceráđđehusas ii leat ovddasvástádus boasttosisdoalu dehe teknihkalaš vigiid dehe divvunbargguid geavaheaddjái vejolaččat dagahan njuolggo- dehe gaskkalaš vahágiin.
Meahciráđđehusas lea riekti rievdadit prográmmaid, diehtovuođu, rusttegiid ja eará bálvalusa osiid. Meahciráđđehusas lea goas beare vuoigatvuohta váldit bálvalusa dehe dan oasi gaskaboddasaččat dehe ollásit eret anus.
Earáid buvttadan materiála
Meahciráđđehusas ii leat máinnage lágiin ovddasvástádus earáid fierbmábálvalusaid sisdoalus dehe doaimmas, vaikko daidda beassá luontoon.fi-fierbmebálvalusas bakte. Sirdásettiin liŋkejuvvon siidduide geavaheaddji dohkkeha, ahte siiddut eai leat šat Meahciráđđehusa hálddus eaige Meahciráđđehusas leat vejolašvuođat váikkuhit daid sisdollui. Luontoon.fi olggobeale liŋkka gullan bálvalussii ii čujut dasa, ahte Meahciráđđehus mainnage lágiin máinnustivččii jearldatvuloš siidduid dehe bálvalusaid.
Guoskkadahtti láhka
Bálvalusa geavaheapmái ja geavaneavttuid dulkomii guoskkaduvvo Suoma láhka. Soahpamušriiddut čovdojuvvojit Helsset gearretrievttis Suoma láhkamearrádusaid mielde.
Geavahaneavttuid vuoibmáiboahtin ja rievdadeapmi
Dát geavahaneavttut bohtet vuoibmái beivenmuttos (fierbmesiidduin vuolimussan) ja leat vuoimmis doaisttážii. Meahciráđđehusas lea riekti rievdadit geavahaneavttuid, ja ođđa geavahaneavttut bohtet vuoibmái daid fierbmebálvalusas almmustahttima áigemutto.
Beaivádahtton 11.11.2025