Heahttá–Bállás -vánddardanjohtolagas dušše stobut ja goađit leat dolastallama várás boahtte geasi rájes

Nuppástusa mihttomearrin lea geahpedit boaldinmuoraid geavaheami bivnnuhis vánddardanmáđijas.

"Juohkehaš vánddardanjohtolaga bosihansajis sáhttá maid boahtteáiggis cahkkehit dola jogo stobus dahje goađis. Háliidat movttiidahttit luonddus johttiid dasa, ahte luondduriggodagat geavahuvvojit vásttolaččat ja seastevaččat: ovdamearkka dihte márffiid bassimis stobus bullet uhcit boaldinmuorat go sajušdolas olgun. Siste dolastallan lea vejolaš maiddái dalle, go meahccebuollinváruhus lea fámus", dadjá Meahciráđđehusa Luonddubálvalusaid bálvalanoamasteaddji Hanna Ylitalo.

Meahciráđđehusa Luonddubálvalusat lea dál aiddo čielggadeamen, makkár bálvalusat mange vánddardančuozáhagas fállojuvvojit boahtteáiggis vánddardeaddjiide. Luonddubálvalusat bajásdoallá ja ovddida boahttevuođas Heahttá-Bállás -vánddardanjohtolaga vánddardeaddjiide, geat doarjalit bálvalandárbašiidda. Nubbi dehálaš áššehasjoavku leat beaivevánddardeaddjit, dálvit erenoamážit čuoigit.

"Geavatlaččat dahkat válljejumiid, maid bálvalusaid lea vánddardančuozáhaga luonddu dáfus dehálaš seailluhit. Heahttá–Bállás -vánddardanjohtolagas dehálaš bálvalus leat stobut, maid sáhttá ligget, ja mat leat jeavddalaš mátkkiid gaskkaid nuppiideasetguin. Stobut buktet dorvvu nu vánddardeaddjiide go beaivit čuoigi vánddardeaddjiide birra jagi earálágan dálkkiin. Olgodollasajiin ii leat dákkár rolla", Ylitalo dadjá.

Meahciráđđehusa Luonddubálvalusat čuovvu, makkár vásáhusat dolastallama sirdimis stobuide ja gođiide bohtet Heahttá–Bállás -vánddardanjohtolagas. Vásáhusaid vuođul suokkardallat, buktitgo seammá prinsihpa maiddái muhtun eará vánddardanjohtolagaide.

Vánddardeaddji gánneha alo oahpásmuvvat vánddardančuozáhaga bálvalusaide ja eará áigeguovdilis áššiide ovdal reaissu Lundui.fi:s dahje Lundui-áppas.

• Bállása ja Heahtá gaskasaš galbabálggis merkejuvvui eanadahkii 1934. Guovlu lei leamaš bivnnuhis mátkkošteaddjiid gaskkas jo guhkká. Heahttá-Bállás -vánddardanjohtolat rahppojuvvui njealje jagi ovdal danáigásaš Bállás-Ovnnesduoddara álbmotmeahci vuođđudeami. Dán áigge álbmotmeahcci gohčoduvvo namain Bállás-Ylläsduoddara álbmotmeahcci.
• Jagis 1956 johtolat dihkkáduvvui ja merkejuvvui eanadahkii ođđasit, go Suoma mátkeealáhusovttastusa vánddardanossodat lágidii merkema eaktodáhtolaš doaimma ja ruhtadii merkema.
• Otná beaivve Heahttá-Bállás -vánddardanjohtolat lea okta Suoma bivnnuhamos vánddardanmáđijain ja dan vánddardit jahkásaččat sullii 12 000 vánddardeaddji. Johtolaga guhkkodat lea sullii 50 kilomehtera ja dan guoras leat máŋggat stobut ja bosihansajit, maid Meahciráđđehusa Luonddubálvalusat bajásdoallá.
• Heahtá ja Bállása gaskkas lea maiddái čuoiganjohtolat, man guhkkodat lea 53 - 60 km, dan mielde man johtolaga vállje.
• Vánddardanmáđija Lundui-bálvalusas:
  • Hetta-Pallas vaellusreitti
  • Bállás-Ylläsduoddara álbmotmeahcci