Kääzzkõõzz täävtõssân lij oouʹdeed oummi da luâđ pueʹrrvââjjmõõžž hiâlpteeʹl kõʹllʼjempaaiʹǩi da ǩeäinai kaunnmõõžžâst di vieʹǩǩteeʹl reeisai plaanummšest da luâđast tåimmʼmõõžžâst. Meäʹcchalltõs oouʹdad kääzzkõõzz õõutveäkka õõʹnnʼji- da čõõnâsjooukivuiʹm puki õhttsaž kääzzkõssân. Kääzzkõs lij lääddas, ruõccâs, eŋgglõsǩiõʹlle di tâʹvv-, aanar- da nuõrttsääʹmǩiõʹlle.
Kääzzkõs toiʹmmai pirrõsministeria teäggtem meersaž åuggan liikkummuž teâttkääzzkõssân. Meäʹcchalltõõzz Luâttkääzzkõõzz vaʹsttee kääzzkõõzzâst.
Looǥǥ Meäʹcchalltõõzz Luâttkääzzkõõzzi toiʹmmjummšest (lääddas).
Kõʹllʼjempääiʹǩ da ǩeäin
Kääzzkõõzzâst puuʹtet ouʹdde määŋg jeeʹres toiʹmmjeei kõʹllʼjempaaiʹǩid, ǩeäinaid da rajjsid. Teâđ puuʹtet Meäʹcchalltõõzz riâžldõõǥǥin da Jyväskylä universiteeʹtt oouʹdeem Lipas-teâttvuâđast. Kååʹdd da jeeʹres toiʹmmjeei vuäiʹtte puuʹtʼted siiskõõzz Lipas-riâžldõʹǩǩe.
- Kääzzkõʹsse vuäitt tän poodd puuʹtʼted teâđ luâđast jååttmõʹšše, tanccâmkååʹlzin vuejjma, kueʹllšeeʹllma da miâllma õhttneei veerǥlaž kõʹllʼjempaaiʹǩin da ǩeäinain di luâđast jooʹttjid da åuggan liikkeeʹjid kääzzkõʹstti rajjsin.
- Teâđ puuʹtʼteei âlgg leeʹd kõʹllʼjempääiʹǩ leʹbe ǩeäin veerǥlaž vuäʹmsteei leʹbe tuõʹllʼjeei leʹbe vuäʹmsteei/tuõʹllʼjeei meäʹrtem toiʹmmjeei.
- Luontoon-kääzzkõõzzin ouʹdde puhttum kõʹllʼjempaaiʹǩi, ǩeäinai da rajjsi ouʹdde pohttmõõžži siiskõõzzid lââʹzztet Jyväskylä universiteeʹtt oouʹdeem Lipas-riâžldõʹǩǩe. Teâđ puäʹtte vueiʹnnemnalla Luontoon-kääzzkõʹsse mueʹdd peeiʹv seʹst.
- Lipas-projeʹktt jääʹrjast teâđ lââʹzztummša škooultõõzzid da meâtt ââʹnnemvuõiggâdvuõđid riâžldõõǥǥ ââʹnnma. Looǥǥ lââʹzz siiskõspuuʹtʼtõõzzâst Lipas-riâžldõʹǩǩe (jyu.fi, lääddas).
- Suomen latu tuärjjad väʹlddkååddlaž siiskõspuuʹtʼtõõzz õõutâst organisaatioivuiʹm. Looǥǥ lââʹzz Suomen latu roolâst kääzzkõõzzâst (suomenlatu.fi, lääddas).
Kaaupla kääzzkõõzz
Kääzzkõõzzâst kuâsttjeei kaaupla ouddaz lie tän poodd Meäʹcchalltõõzz Luâttkääzzkõõzzi kueiʹmmpõrggsi ouddaz. Ooudasteâđaid puuʹtet VisitFinland DataHub -riâžldõõǥǥâst.
- Teâđ kääzzkõõzzines puuʹtʼteei põrggsest âlgg leeʹd Meäʹcchalltõõzz Luâttkääzzkõõzzvuiʹm viõǥǥâst åårrai maatkčummuž õhttsažtuâjjsuåppmõš.
- Põrggâz kääzzkõõzz âʹlǧǧe leeʹd Luontoon-kääzzkõõzz siiskõʹsse da täävtõsjooukid suåppi.
- Põrggsest âʹlǧǧe leeʹd neʹttseeid nuʹtt lääddas ko še eŋgglõsǩiõʹlle.
- Põrggâz taʹrjjeem ouddaz/kääzzkõõzz âʹlǧǧe leeʹd/šõddâd Meäʹcchalltõõzz vaaldšmem vuuʹdi siiʹsǩpeäʹlnn leʹbe âʹlddpirrõõzzâst (põõrǥâs vuäitt leeʹd rekisterõsttum jeeʹresårra).
- Puk DataHuubâst Luontoon-kääzzkõõzzid pueʹtti ouddaz âʹlǧǧe leeʹd kõõččmõõžžâst åårrai toiʹmmjemvuuʹd (kõʹllʼjempääiʹǩ) jäʹrjstõsvuâkkõõzz da jeeʹres šiõttõõzzi meâldla. Jõs kuuitâǥ taʹrjjääk maatkčemouddsid vuuʹden raaji åålǥpeäʹlnn (nuuʹbbi saaʹnivuiʹm âʹlddpirrõõzzâst, kääzzkõssân vuuʹd kõʹllʼjeeʹjid), muuʹšt ǩeâllʼjeei maatkčummuž toiʹmmjemvuâđđjurddjid.
- Meäʹcchalltõs toiʹmmai Luontoon-kääzzkõõzz seeidain čuäʹjtum siiskõõzz kuratõʹsttjen da tääʹrǩast juõʹǩǩ ouddaz suåvlažvuõđ kõõččmõõžžâst åårrai luâttpääiʹǩ kääzzkõsvaalljstõʹǩǩe. Lââʹssen ainsmââʹttet, što põrggsest lij suåppmõš.
- Looǥǥ lââʹzz kaauplaž kääzzkõõzzi siiskõspuuʹtʼtõõzzâst (metsa.fi, lääddas).
Kuånsttjieʹrm ââʹnnem
Luontoon.fi-kääzzkõõzz Meäʹcchalltõõzz puuʹtʼtem siiskõõzzin äuʹǩǩeet kuånsttjieʹrm teeʹksti jåårǥlâttmõõžž da artikkeeʹli ǩeeʹrjtummuž tuärjjan. Teâttkäivvan ââʹnet ouddmiârkkân Meäʹcchalltõõzz teâttkääivaid da seiddõõzzid. Ooumaž tääʹrǩast da ǩiõrǥat puk kuånsttjieʹrm veäkka tuejjuum jåårǥlõõzzid ouddâl õlmstâttmõõžž. Kuånsttjieʹrm veäkka tuejjuum artikkeeʹlid täʹrǩstet še, da tõid pueʹrõõlât loopplaž vuâkka ouddâl õlmstâttmõõžž.
Luontoon.fi-kääzzkõõzzâst lij ââʹnnmest še kuånsttjieʹrm äuʹǩǩeei saǥstõõllâmbott måtam Meäʹcchalltõõzz luâđast jååʹttempaaiʹǩid. Bott ååcc teâđ luontoon.fi-, metsa.fi- da eraluvat.fi-seiddõõzzin di vuäitt še viiʹttjed vasttõõzzines luontoon.fi-seiddõõzzâst käunnʼjeei jeeʹres teâttkääivaid. Saǥstõõllâmbott iʹlmmat pâi tõn vasttõõzz teâttkääiv. Ooumaž seuʹrrai boott toiʹmmjummuž da oouʹdad tõn vuâmmšõõzzi vuâđald.
Õhttsažtuâjast
