Kääzzkõõzz kovvõs
Luontoon-kääzzkõõzzin juuʹrdet täʹst Luontoon.fi-neʹttkääzzkõõzz di Luontoon-suåvldõõzz. Luontoon-kääzzkõõzz (mâʹŋŋlest še 'neʹttkääzzkõs' leʹbe 'kääzzkõs') puuʹtat da âʹlnn âânn Meäʹcchalltõs, kååʹtt lij mädd- da meäʹcctäällministeria da pirrõsministeria vuâllsažvuõđâst toiʹmmjeei riikk jäärnaǩstrooiʹtel (P-nââmar 0116726-7). Luontoon-kääzzkõs nårrai teâđ seʹst õõʹnni seeidain.
Õõʹnni čõnnââtt ââʹnned Luontoon-kääzzkõõzz täi ââʹnnem-määinai, lääʹjj da šiõǥǥ nääʹl meâldlânji. Kääzzkõs lij määustem.
Puk kääzzkõõzzâst ouʹdde pueʹtti teâđ lie jurddum tåʹlǩ informatiivlaž mieʹrid, ij-ǥa teâđaid õõlǥ fiʹttjed juriidlaž, kaauplaž ljn. vuäʹpstummšen. Meäʹcchalltõs ij vaʹstted kääzzkõõzzâst ouʹdde puhttum teâđai ââʹntemvuõđâst õõʹnni taarbid leʹbe täi teâđai vuâđald tuejjuum tååimai puäđõõzzin.
Ââʹnnemvuõiggâdvuõtt neʹttkääzzkõõzzâst õlmstâʹttemvuâllsaž aunstõʹsse
Luontoon.fi-neʹttkääzzkõõzz vuäǯǯ ââʹnned tåʹlǩ privatt, ij-kaauplaž meärra. Õõʹnni ij vuäǯǯ jeeʹres naaʹlin äuʹǩǩeed kääzzkõõzz leʹbe tõn vueʹzzid Meäʹcchalltõõzz ǩeerjlaž lååʹvtää. Kääzzkõõzz puk vuõiggâdvuõđ, raajjivuõiggâdvuõđid mieʹldd looǥǥeeʹl, koʹlle Meäʹcchalltõʹsse da/leʹbe tõn õhttsažtuâjjkuõiʹmid. Õõʹnnʼjest ij leäkku vuõiggâdvuõtt ouddǩiõʹtte vuåǯǯum ǩeerjlaž miâsttmõõžžtää liâvted, õlmstâʹtted, jåårǥlâʹtted leʹbe muʹtted äʹššǩiiʹrjid leʹbe aunstõõzz leʹbe luõvted tõid måtam kuälmad vueʹsspeäʹl ââʹnnma.
Luontoon.fi-neʹttkääzzkõõzz seeidaid leʹbe vueʹzzid tõin vuäǯǯ priʹnttjed õõʹnni jiijjâs, persoonlaž ââʹnnem vääras.
Jeäʹvstõõzzi âânnmõš
Luontoon-kääzzkõõzzâst ââʹnet jeäʹvstõõzzid, koin vueʹss õhttne neʹttkääzzkõõzz tååimlažvuõđid da vueʹss neʹttkääzzkõõzz âânnmõõžž mettummša da statistikâʹsttma. Jõs õõʹnni haaʹlad, son vuäitt ǩieʹldded plaađânj asetõõzzin jeäʹvstõõzzi vuâsttavälddmõõžž leʹbe väʹldded meädda plaađnja ruâkkjam jeäʹvstõõzzid. Tät vuäitt kuuitâǥ šõddeed vaaʹnid seiddõõzz toiʹmmjummšest.
Looǥǥ lââʹzz jeäʹvstõõzzi ââʹnnmest teâttsuejjčiõʹlǧǧõõzzâst.
Õõʹnnimaacctõskõõjjõõzz
Luontoon-kääzzkõõzzâst ââʹnet jeäʹvstõõzzlaž Hotjar-tuâjjneävv äʹššneǩ-ǩiõččlâsttmõõžž mettummša (NPS-kõõjjõs). Vuäitak cõggâd Hotjaar âânnmõõžž jeäʹvstõsasetõõzzin. Teâđaid noorât da ǩiõttʼtõõlât anonyymâld, jeät-ǥa norrum teâđaid vuåittu õhtteed tiõttum õõʹnnʼja. Kõõjjõs ij ruõkk išttmõš-teâđaid. Lââʹssteâđ Hotjaar ââʹnnem-määinain da teâttsuejast (hotjar.com, eŋgglõsǩiõʹlle).
Lomaakk vuõlttummuš da bott-tobddmõš
Maacctõslomaakk vuõlttummuš ooudald automaattlaž bott-tobddmõõžž, koon čõõđtet Cloudflare Turnstile -kääzzkõõzzin. Tobddmõš jåttai eman, ko teäʹddlak lomaakk “Vuõlttâd”-teäddõõǥǥ. Turnstile ainsmâtt, što ooumaž teâudd lomaakk, da câgg puästtadâânnmõõžžid. Turnstile ââʹnnma suåvldet še Cloudflare ââʹnnem-määinaid (cloudflare.com, eŋgglõsǩiõʹlle).
Suåvldõõzz vââʹǩǩvuõʹjji seuʹrrjummuš
Suåvldõõzz vââʹǩǩvuõʹjjid seuʹrrjet Azure Application Insights -kääzzkõõzzin. Kääzzkõs lij konfigurõsttum nuʹtt, što tõt ij noor vuõigg õõʹnni jeärtõõlli tobdldõõǥǥid (mâʹte IP-addrõõzz, õõʹnni- leʹbe išttmõš-tobdldõõǥǥid). Noorrâmvuâllsaž teâtt lij teeknlaž da õhttan tåʹlǩ vââʹǩǩvuõʹjjid.
Kääzzkõõzz âʹlnnâânnmõš da pååʹmehkoʹrvveemõõlǥtemvuõtt
Meäʹcchalltõs pârgg âʹlnnââʹnned Luontoon.fi-neʹttkääzzkõõzzstes nuʹtt vââʹjjteʹmes da õlltässʼsaž teâđ ko vueiʹtlvaž, leâša ij uuʹd täʹǩǩõõzz seeidees vââʹjjteʹmesvuõđâst leʹbe siiskõõzzâst. Meäʹcchalltõõzzâst lij vuõiggâdvuõtt pueʹreed da muʹtted kääzzkõõzz siiskõõzz da raajõõzz.
Meäʹcchalltõs ij vaʹstted kääzzkõõzz ǩeeʹjjteʹmes vuäǯǯamvuõđâst ij-ǥa täʹǩǩed, što kääzzkõs toiʹmmai ââʹnnempuâtkaitää leʹbe vââʹjjteʹmes naaʹlin. Meäʹcchalltõs ij vaʹstted vââǥǥlaž siiskõõzz leʹbe teeknlaž vääddai leʹbe huâllamtuâjai õõʹnnʼja vueiʹtlvânji šõddeem vuõigg leʹbe pannvuõigg pååʹmhin.
Meäʹcchalltõõzzâst lij vuõiggâdvuõtt muʹtted prograammid, teâttvuâđ, aparaattid da jeeʹres kääzzkõõzz vueʹzzid. Meäʹcchalltõõzzâst lij kuäʹss täättas vuõiggâdvuõtt väʹldded kääzzkõõzz leʹbe tõn vueʹzz kõskkpoddsânji leʹbe obbnes meädda ââʹnnmest.
Jeärrsi puuʹtʼtem aunstõõzz
Meäʹcchalltõs ij vaʹstted Luontoon.fi-neʹttkääzzkõõzzâs pääiʹǩ vuällamlaaǥǥan jeeʹres neʹttkääzzkõõzzi siiskõõzzâst leʹbe toiʹmmjummšest ni mâin vueʹzzin. Serddjeeʹl liiŋktum seeidaid õõʹnni preemm, što seeid jie teänab leäkku Meäʹcchalltõõzz valdšmest jie-ǥa Meäʹcchalltõõzzâst leäkku vueiʹttemvuõđ vaaikted tõi siiskõʹsse. Luontoon.fi-seiddõõzz åålǥpeällsaž liiŋk seʹst âânnmõš ij viiʹtte tõõzz, što Meäʹcchalltõs ni mâin naaʹlin ǩeeitââstči kõõččmõõžžâst åårrai seeidaid leʹbe kääzzkõõzzid.
Lääʹǩǩ, koon suåvldet
Kääzzkõõzz âânnmõʹšše da ââʹnnem-määinai tuʹlǩǩummša suåvldet Lääʹddjânnam lääʹjj. Suåppmõõžž kuõskki reiddsažvuõđid čååuʹdet Heʹlssen suudvuõiggsest Lääʹddjânnam lääʹjjšiõttummuž mieʹldd.
Ââʹnnem-määinai viõʹǩǩepuättmõš da mottmõš
Täk ââʹnnem-määin puäʹtte viõʹǩǩe peeiʹvtempoodd (neʹttseeidast vueʹlmõsân) da lie viõǥǥâst täʹst ooudårra. Meäʹcchalltõõzzâst lij vuõiggâdvuõtt muʹtted ââʹnnem-määinaid, da ođđ ââʹnnem-määin puäʹtte viõʹǩǩe tõi neʹttkääzzkõõzzâst õlmstâttmõõžž ääiʹjpoodd.
Peeiʹvtum 2.7.2026