Teâđai noorrmõš da seeiltummuš
Luontoon-kääzzkõõzzâst õõʹnnʼjest noorât teâđaid maacctõslomaakkin.
- Jõs õõʹnni haaʹlad vasttõõzz suu maacctõʹsse, son vuäitt maacctõslomaakkin kueʹđđed suu õhttvuõtt-teâđaid. Maacctõslomaakkin vuäitt uʹvdded täid persoonteâđaid: ouddnõõm, sokknõõm, neʹttpååʹštaddrõõzz da teʹlfon-nââmar.
- Tieuʹdeeʹl persoonteâttǩeeʹddid õõʹnni preemm, što suu persoonteâđ ruâkkje Meäʹcchalltõõzz äʹššneǩrekisteera kõskkpoddsânji.
Teâđaid vueiʹtet ruõkkâd äʹššneǩrekisteera še teʹl, ko äʹššneǩ lij õhttvuõđâst Luâttkääzzkõõzzi äʹššneǩ-kääzzkõʹsse teʹlfoonin soiʹttjeeʹl leʹbe neʹttpooʹštin, jõs äʹšš kaiʹbbai lââʹssčiõlǥtõõzzid da oʹđđest õhttvuõttvälddmõõžž äʹššnekka.
- Teâđ, koid ruõkkât äʹššneǩ-kääzzkõõzzâst, vuäiʹtte leeʹd ouddnõmm, sokknõmm, neʹttpååʹštaddrõs da teʹlfon-nââmar.
- Vääʹldeeʹl õhttvuõđ Luâttkääzzkõõzzi äʹššneǩ-kääzzkõʹsse äʹššneǩ preemm, što suu teâđaid vueiʹtet ruõkkâd Meäʹcchalltõõzz äʹššneǩrekisteera kõskkpoddsânji lââʹssčiõlǥtõõzzid kaiʹbbjeei aaʹššin.
Teâđaid vääʹldet meädda automaattlânji pueʹtti kaʹlndareeʹjj loopp räjja. Rekistertuõʹllʼjeei vuäitt raukkâd jaukkeed teâđaid ääiʹjben.
Teâđai ǩiõttʼtõõllmõš da luõvtummuš
Maacctõslomaakkin norrum teâđ serddje Meäʹcchalltõõzz maacctõsvuõđđu. Persoonteâđaid jeät luõvtuku Meäʹcchalltõõzz åålǥpeälla da tõid ǩiõttʼtõõlât tåʹlǩ Euroopp tällõsvuuʹd seʹst.
Teâđai suejjummuš
Luontoon.fi-seiddõõzz suejjummšest jääʹǩǩtet šiõǥǥ teâttstaanmõõntõõllmõõžž di viõǥǥâst åårrai laaʹjjid da šiõttõõzzid di tõid tiuddeei Meäʹcchalltõõzz vuäʹpstõõzzid. Riâžldõõǥǥ âânnmõš lij rajjuum ââʹnnemvuõiggâdvuõđivuiʹm tåʹlǩ teâđaid tuâjsteez taarbšeei oummuid.
Kõʹllʼjempäiʹǩǩvuäʹpstummuš kuånsttjieʹrmin (lääddas)
Luontoon.fi-kääzzkõõzz kõʹllʼjempäiʹǩǩvuäʹpstummuš kuånsttjieʹrmin vieʹǩǩat õõʹnnʼjid kaunnâd teâđ jååʹttempaaiʹǩin, ǩeäinain, kääzzkõõzzin di luâđast liikkummšest. Kääzzkõʹsse ǩeeʹrjtum kõõččmõõžžid da tõid uvddum vasttõõzzid vueiʹtet ruõkkâd kääzzkõõzz toiʹmmjummuž ainsmâʹttem da oouʹdeem diõtt. Õõʹnni ij õõlǥ ǩeeʹrjted saǥstõõllmõʹšše jiijjâs leʹbe jeeʹres oummi taarbteʹmes persoonteâđaid. Jõs õõʹnni haaʹlad seʹrdded ääʹšš äʹššneǩ-kääzzkõõzz ǩiõttʼtõõllâmnalla da uʹvdded tän vääras õhttvuõtt-teâđees (neʹttpååʹštaddrõs), teâđaid vueiʹtet ââʹnned äʹššneǩ-kääzzkõsääʹšš håiddmõʹšše tän teâttsuejjčiõʹlǧǧõõzz meâldlânji.
Saǥstõõllmõõžžid ruõkkum teâđaid ǩiõttʼtâʹlle tåʹlǩ Meäʹcchalltõõzz tuâjjla, koid lij uvddum väʹldd tän tuõjju tõn veeidasvuõđâst ko tõõzz lij tarbb kääzzkõõzz tuõʹllʼjem, oouʹdeem leʹbe äʹššneǩ-kääzzkõsääʹšš håiddam diõtt.
Saǥstõõllmõõžžid jeät õnnu kuånsttjeäʹrmm-maalli škooultummša. Kõʹllʼjempäiʹǩǩvuäʹpstummuš kuånsttjieʹrmin ij tueʹjjed oummi ärvvtõõllmõõžž, profilâsttmõõžž ni ceäkkâttmõõžž tõn diõtt, ko riâžldõk ij automaattlânji analysââʹst leʹbe klasstõõl õõʹnnʼjid, jeät-ǥa persoonteâđaid õnnu õõʹnniprofiili vuâđđummša.
Jeäʹvstõõzzi âânnmõš
Luontoon.fi-neʹttkääzzkõõzzâst ââʹnet jeäʹvstõõzzid ("cookies"). Jeäʹvstõõzz lie plaađânjaparaatt plaađânj da serveeʹr kõskksa siõm teʹkstt-teâttõõzz. Jeäʹvstõõzzi- da jeeʹres tobdldõõǥǥivuiʹm lij meäʹrtum viõǥǥâståårramäiʹǧǧ, koon mâŋŋa plaađânj jaukkad tobdldõõǥǥ. Ââʹnnep täid tekniikkid tååimai čõõđ viikkmõʹšše. Jõs haaʹlääk, vuäitak ǩieʹldded jeäʹvstõõzzi vuâsttavälddmõõžž, muʹtted tuu miâsttmõõžž jeäʹvstõõzzi vuâsttavälddmõõžžâst leʹbe jaukkeed plaađnja ruâkkjam jeäʹvstõõzzid. Tät vuäitt kuuitâǥ šõddeed vaaʹnid seiddõõzz toiʹmmjummšest. Vuäitak vueiʹnned pukid seiddõõzz ââʹnnem jeäʹvstõõzzid, tuu uʹvddem jeäʹvstõsasetõõzzid da muʹtted asetõõzzid seiddõõzz vueʹllruõbdâst leʹddi Jeäʹvstõsasetõõzz-liiŋkâst.
Cloudflare Turnstile -bott-tobddmõš
Maacctõslomakk lij suejjuum Cloudflare Turnstile -kääzzkõõzzin, kååʹtt câgg puästtadâânnmõõžžid. Ko kääzzkõs tuejjad ärvvtõõllmõõžž, tõt seeilat da ǩiõttʼtââll teeknlaž teâđaid, mâʹte IP-addrõõzz da plaađânj teâđaid. Teeknlaž teâđaid vueiʹtet ǩiõttʼtõõllâd še EU åålǥpeäʹlnn, da seerdain ââʹnet lääʹjjmeâldlaž suejjtååimaid. Lââʹssteâđ: Cloudflare Privacy Policy (cloudflare.com, eŋgglõsǩiõʹlle).
Neʹttkääzzkõõzz âânnmõõžž seuʹrrjummuš
Luontoon.fi-neʹttkääzzkõõzz âânnmõõžžâst noorât teâđaid Snoobi Analytics -kääzzkõõzzin jeäʹvstõõzzitää. Teʹl kõʹllʼjeeʹjin jeät norru persoonteâđaid, koin tiõttum õõʹnni vuäitčeš identifiâʹstted. Jeäʹvstõõzzteʹmes seuʹrrjummuž veäkka vuäǯǯat ouddmiârkkân teâđ seeidai ââʹnnem-mieʹrin da siiskõõzz ââʹnnmest. Täid teâđaid ââʹnet neʹttkääzzkõõzz oouʹdummša.
Norrum teâđaid seeiltet Snoobi Analytics -tuâjjneävvast, da Snoobi vaaldašm tõid teâttsuejjmõõntõõllmõõžžâs meâldlânji. Liŋkk lij Snoobi Analytics -kääzzkõõzz neʹttseeidain (snoobi.com).
Rekisterõsttum oummu vuõiggâdvuõđ
Rekisterõsttum oummust lij vuõiggâdvuõtt raukkâd rekistertuõʹllʼjeeʹjest jiijjâs kuõskki teâđaid di vuõiggâdvuõtt raukkâd panntääʹrǩes da vââǥǥlaž teâđai vuõiǥummuž da tõi ǩiõttʼtõõllmõõžž rääʹjtummuž teâđai tuõʹllʼjummuž ainsmâttmõõžž ääiǥas. Rekisterõsttum oummust lij še vuõiggâdvuõtt tuejjeed läittmõõžž vuåppâmveʹrǧǧnekka persoonteâđai ǩiõttʼtõõllâmtååimain.
Rekistertuõʹllʼjeei õhttvuõtt-teâđ
Teâttsuejjčiõʹlǧǧõõzz da rekisterõsttum oummu vuõiggâdvuõđid kuõskki kõõččmõõžžid vaʹsttee vuõss-sââʹjest riâžldõõǥǥ rekisteeʹrest vaʹstteei ooumaž Liisa Neuvonen (liisa.neuvonen(at)metsa.fi) di teâttsuejjvaʹstteei Anna-Leena Ruuth (Anna-Leena.Ruuth (at)metsa.fi). Teâttsuejjaaʹššin raukkâp väʹldded õhttvuõđ vuõss-sâjjsânji ǩeerjlânji vuõiʹǧǧest rekistertuõʹllʼjeeja: Meäʹcchalltõs / Rekisterâʹsttemkoontâr, PL 80 (Opastinsilta 12 C), 00521 Heʹlssen leʹbe vaajtõsmääinlânji addrõʹsse: tietosuoja(at)metsa.fi.
Peeiʹvtum 16.10.2026
