Luõttu-kääzzkõʹsse čõõđte sääʹmǩiõllsaž seeidaid

Päiʹǩǩ-kovvõõzz liâ alggmääʹttest Aanar luâttreissvuuʹdest de Väʹččer da Čarmmtuõddâr poostaijânnamvuuʹdin. Kaldoaivi poostaijânnamvuuʹd siiskâž čõõđte mâʹŋŋlubust.

Päiʹǩǩseeidai lââʹssen kääzzkõʹsse puäʹtte nuõrttsääʹmǩiõllsaž artikkel da teâttsiiʹsǩe ouddmiârkkân puõʹtti aaʹššin: Čuõmmjooǥǥ sääʹmǩeeʹdd, Låttjooǥǥ sääʹmǩeeʹdd, Säʹmmlai pââʹss pääiʹǩ. Luâttreeis puäʒʒhåiddamvuuʹdest, Pielpajääuʹr ceerkav, Säʹmmlai dommvuuʹd luâđast liikkeem vueʹǩǩmeärrõõzz da Juõʹǩǩkavuõiggâdvuõđ.

“Juʹn ääiʹjben Luontoo.fi-neʹttseiddõõzzâst leʹjje siiskâž tâʹvvsäämas da aanarsäämas. Ââʹn valmštõõvvâm sääʹmǩiõllsaž seeid kääzzkâʹstte ouddâl puki nuõrttsääʹmǩiõllõhttõõzz da nuõrttsääʹmǩiõl mainsteeʹjid.” Peäggat tiimivastteei Liisa Neuvonen Meäʹcchalltõõzz Luâttkääzzkõõzzin.

Sääʹmǩiõllsaž seeid taʹrjjee vueiʹtlvažvuõđ ââʹnned sääʹmǩiõl še neeʹttest äʹššõõttmen da raʹvvai sääʹmǩiõl kueʹsttemvuõđ aarǥâst. Lââʹssen seiddõs äuʹǩǩad škooulid, škooulniiʹǩǩid, mättʼtõõttjid da uʹčteeʹlid.

Tän šiâtt tâʹvvsääʹmǩiõllsaž seiddõõzzâst liâ õhttsõʹžžen kähccmlo päiʹǩǩ-kovvõõzz, koid liâ siiʹsǩääm jm. meermieʹccid, luâttmuõrrkarddsid da poostaijânnamvuudid. Aanarsääʹmǩiõlin kääzzkõõzzâst käunnʼje čiččâm päiʹǩǩ-kovvõõzz

Nuõrttsääʹmǩiõllsaž seeid Luõttu-kääzzkõõzzâst raʹvvje vueiʹtlvažvuõđid ââʹnned nuõrttsääʹmǩiõl aarǥâst

Sääʹmǩiõlin lij veerǥlaž sââʹjj säʹmmlai dommvuuʹdest (Jeänõk, Aanar, Uʹccjokk da pieʹǩǩ Suäʹđjel). Nuõrttsääʹmǩiõll lij õhtt Lääʹddjânnmest mainstum sääʹmǩiõlin tâʹvvsääʹm- da aanarsääʹmǩiõl lââʹssen.

Nuõrttsääʹmǩiõll lij samai vaarrvuâllsaž ǩiõll, koon âânnmõõžž da jeällʼjâttmõõžž liâ hueʹnääm kuʹǩes histoor, koʹst nuõrttsäʹmmlai ǩiõllsaž vuõiggâdvuõđ jiâ leäkku teâddjam tiuddmeärrsõʹžžen. Håʹt lääʹjjšiõttummuš ânnʼjõž ääiʹj stään sääʹmǩiõli sââʹjj, nuõrttsääʹm ââʹnnemvueiʹtlvažvuõđ da kääzzkõõzz liâ õõudâs occanj da ǩiõl taarbaš jeäʹrbuž staan.

Nuõrttsääʹmǩiõllsaž seeidai čõõđtummuš Luõttu-kääzzkõõzzâst lââʹzzat vueiʹtlvažvuõđid ââʹnned ǩiõl še digitaalʼlaž kääzzkõõzzin, raʹvvai ǩiõl kueʹsttemvuõđ da õsttâmvuõđ de stään nuõrttsäʹmmlai kulttuur da äʹrbbvuõđlaž teâđ seillmõõžž. Seämma ääiʹj ooudad ǩiõllsaž vuõiggâdvuõđi teâuddjummuš taʹrjjeen teâđ luâđast, kulttuurpreeddan da luâđastjååttmõõžžâst nuõrttsääʹmǩiõlin.

Meäʹcchalltõõzz jeeʹres neʹttseiddõõzz še kääzzkâʹstte sääʹmǩiõlin

Eräluvat.fi-kääzzkõs lij čõõđtum tâʹvvsäämas, nuõrttsäämas da aanarsäämas. Kääzzkõõzzâst käunnʼje kõskksaž teâđ valdia vuuʹdi looʹvin da sääʹmvuuʹd jeäʹrbužvuõiggâdvuõđin. Sääʹmǩiõlin vuäitt haʹŋǩǩeed måttmid looʹvid, mâʹt-a kåʹddaassi määuʹsteʹmes kueʹllšeeʹllemlååʹv, luâđastvuejjamlååʹv leʹbe kåʹddaassi määuslaž jokkvuuʹdi kueʹllšeeʹllemlååʹv.

Erälupa- ääʹššlažkääzzkõõzz pääiʹǩ âlgg haʹŋǩǩeed ooudâs ouddmiârkkân Njauddâm rekistersiid da sääʹmvuuʹd lååʹv.

Metsa.fi -neʹttkääzzkõõzzâst sääʹmǩiõlin liâ nuʹtt kueʹhttčueʹđ seiddad – lääddas nuʹtt 550 seiddad, da miâlggâd pukin aaʹššin liâ siiʹsǩe tâʹvvsäämas, håʹt tâʹvvsääʹmǩiõll vaajtõsmääin liâ tuäppjab ǥu lääʹddǩiõll vaajtõsmäinn. Siiʹsǩe teäddjâʹvve takaitiõttu Meäʹcchalltõõzz tåimmʼmõõžžâst da organisaatiast. Pâʹjj-Lappi aaʹššid de ääiʹjpoddsažsaakkummša.

Tän lââʹssen Metsa.fi -kääzzkõõzzâst liâ teâđtõõzz suåvlaž aaʹššin. Tän eeʹjj tän räjja liâ jåårǥlõttum nuʹtt 30 teâđtõõzz tâʹvvsäämas, da määŋg teâđtõõzzin kueʹsǩǩe Pâʹjj-Lappi aaʹššid.

Ânnʼjõž Metsa.fi kääzzkõs lij čõõđtum ee'jj 2020 da sääʹmǩiõllsaž seeidaid raʹjje tâʹl seämma ääiʹj. Oouʹdab Metsa.fi -kääzzkõõzzâst še leʹjje tâʹvvsääʹmǩiõll vaajtõsmääin, leša ânnʼjõž tuäbbjubun.

Meäʹcchalltõʹsse ee'jj 2010 tuõđštummuš sääʹmǩiõli oouʹdummšest

Ee'jj 2010 Sääʹmteeʹǧǧ sääʹm ǩiõllsuåvtõs miõtti vuõssmõs Sääʹmǩiõlltuâjj -čiist Meäʹcchalltõsse. Čiist vuâđđääʹšš mieʹldd Meäʹcchalltõs leäi oouʹdääm ääʹrvstemnalla sääʹmǩiõllsaž kääzzkõõzzid, da sääʹmǩiõl sââʹjj Lääʹddjânnmest de teâuddam sääʹmǩiõl ǩiõll-lääʹjj õõlǥtõõzzid neʹttsaakkummšest da ääʹššlažkääzzkõõzzâst.

Lââʹssteâđ

• Luõttu-kääzzkös https://www.luontoon.fi/sms
• Eräluvat.fi https://www.eraluvat.fi/se
• Metsa.fi https://www.metsa.fi/se/