Pahaoja Kuldal já Raahenpirtti

Kuldal kesipálgás vyelgee jotá Pahaoja Kuldal šiljopirrâs čoođâ pálgá aalgâ keččin. Šiljo maŋa jottee moksá Čuđejuuvâ šalde mield.

Tááláš váldukámppá lii čuákkejum kyevti uásist. Káámpá juuvâpiäláág tupe vuojâttui kilomeetter keččin Uijemjohka njäälmist. Porstua čižetpiälááš tupe ávustahhijn lâš vuálgus 1900-lovo aalgâ peln. Káámpá olgonurheest lii Lapin Kulta Oy pargoeennâm aaigijn vuálgus rađepittááš, mii toimâttij mäliskiälu virge.

Pahaoja rakânâsah láá taan ääigi Meccihaldâttâs haaldust. Váldurakânâs nubbe viste tooimâi ive 2019 räi láigutuppeen já nubbe ävđintuppeen. Taan ääigi rakânâs lii museočuosâttâh. Tupe lii áávus, mut ijjâdem já tulâstâllâm lii kieldum.

Raahenpirtti lâi algâaalgâst raahelij merâalmai 1870-lovvoost rähtim kollekámppá Avveeljuuvâ máddáábeln, Palsinoja riddoost kaskoo kolletoidemkuávlu. Autoin piäsá keessiv suullân kilomeetter kiäčán tuuveest. Päälgis čuávu Palsinoja vyeliuáivušân. Tupe lii taan ääigi museočuosâttâh.

Käldeeh
Mäkipuro, Viljo 1975: Kulta - Lappia ja kullankaivajia. Porvoo. WSOY. Sijđo 303.
Stigzelius, Herman 1987: Kultakuume. Lapin kullan historiaa 2. Helsinki. Suomen Matkailuliitto. Sijđo 256.