Avveeljuuvâ Kuldal
Ive 1870 staatâväldi huksiittij Avveeljuuhân toorjâsaje, Kruunun Stationi, kollekuáivum kocceem já haldâšem várás. Kuldal kevttim kiäppánij 1900-lovvoost, já 1920-lohon puáđidijn rakânâsah lijjii hyenes oornigist. Válduviesus láá onnaa peeivi uáinimnáál motomeh vistekáálvuh ja káártáh. Váldurakânâs lasseen áávus láá liäibumrakânâs já ävđintupe.
Lapin Kultala Säätiö algust Kuldal rakânâsah tivoduvvojii Museovirgáduv kocceem vyelni iivijn 1972 já 1982. Viehâtupe, liäibumviste já äitti lijjii nuuvt hyenes oornigist, et taid koolgâi ovdiistiđ puáris čuovâkuuvij já sárgusij vievâst. Rakânâsah vuáđutivoduvvojii uđđâsist ive 2000. Saijaas Viehâtupe tuáimá taan ääigi väridemtuppeen.
Meccihaldâttâs raahtij ive 1970 viehâtuve vuoluubel kyevtivistáág káámpá, mii tooimâi ävđin- já väridemtuppeen. Kámppá puolij ive 1995. Uđđâ tupe valmâštui ive 1996 váldurakânâs nuorttiibel. Ton kyevti visteest nubbe tuáimá ävđintuppeen já nubbe láigutuppeen.
Kuldal riddoost lii puáris sävnirakânâs, mii ij lah innig kiävtust. Šiljopirrâsist lii pyereest saje telttaastâllâm várás.
Käldeeh
Mäkipuro, Viljo 1975: Kulta - Lappia ja kullankaivajia. Porvoo. WSOY. Sijđo 303.
Stigzelius, Herman 1987: Kultakuume. Lapin kullan historiaa 2. Helsinki. Suomen Matkailuliitto. Sijđo 256.
