1. Vääldi suojâlemkuávluid huámášumán
Suojâlemkuávluin jotteem, tulâstâllâm já ijjâdem stivrejuvvojeh oornignjuolgâdusâiguin. Toh láá rahtum luudij, nuárjui já čäcikuávlui rašes luándu suojâlem várás.
Luontoon.fi-palvâlusâst tun puávtáh tarkkuđ káártást staatâ suojâlemkuávluid, raijiittâsoosijd já toi vyeimistorroomaaigijd.
Ele kuárŋu loddelásái oolâ. Saimaast vääldi huámášumán saimaanuárju suojâlem.
Kárbáin jođedijn keevti vuosâsaajeest merkkejum veevlijd. Miäludijn veelti kärbisveevlijd.
Luándusuojâlemkuávluin tuulâ uážžu cokkiittiđ tuše virgálijn tulâstâllâmsoojijn. Ele cokkit tuulâ källee oolâ – källee vahaduvá já tullâ sáttá levâniđ haaldâšmettumeht. Täärhist ain meccipuáluváruttâsâid.
Mušte vandârdemetiket: jođe luonniihánnáá, toolâ jielâhijd päddikeejist já vääldi eres vandârdeijeid huámášumán.
2. Vyeje jiärmálávt
Valjii ekonomilii vyeijimtäävi – tun šiäštáh puáldimamnâs já kepidah luándun šaddee hemâdâs. Larmâ muttá šlaajâi lattim já fysiologia já vyejeet šlaajâid eres sajan.
Korrâ liähtu cuávis vijđoduvâin puáhtá vahaduttiđ ponnešaddoduv, muiviđ čääsi, pieđgiđ loddepiäsáduvâid já uhkediđ eres čääsi alne jottei torvolâšvuođâ.
Ovdâmerkkân stellii moottor kulme já triimi pajeláá, vâi kepidah poonán čyeccee hááitu cuávis čääsist.
3. Juurdâš, ovdil ko aŋkkuristáh
Lyešti aŋkkur luánduhamânist šadottes pone oolâ já veelti kesihánnáá tom tušij tiet.
Luptii aŋkkur stivriimáin kárbá ton paajaabel, vâi pastah luovviđ tom nuuvt ciäggud ko máhđulâš.
Hamânijn keevti iššeen vuosâsaajeest kiäikkoid, jis toh láá fáállun.
4. Ane huolâ pasâttâsâin já pasâttâsčaasijn
Tiskáá vuosâsaajeest eennâm oolâ sajadum, pasâttâsčaasijd kieđâvuššee tiskámsoojijn.
Jis taggaar ij lah, te njomâsit poossâmčaasijd koške enâmân tuárvi kuhás riddoost – ele kuássin kuulgât taid njuolgist čácádâhân.
Posâdât luándust tánávt:
- Lahtâd roopâ čääsist
- Ruvvii saaibâ já toide iäbbáráin koške eennâm alne
- Njomâsit poossâmčaasijd enâmân tuárvi kuhás riddoost
Keevti mielâsumosávt almos hiivsigijd. Enâduvâst moonâ olgoláá pálgást já riddoost já luávdi luodâidâd huolâlávt.
Kuorrii kárbá septitaaŋki ain njoommâmkuorrimsajattuvâst.
5. Kunnijât kulttuuräärbi
Tipte enâduv muštâliđ jieijâs mainâs. Suáluikuávluin já riddoin uáinoo ihečyeđe ahasâš kulttuurärbi, lodásteijei syejeh, kuálásteijei keđgipardattuvah já kuátumij pasâttâsah.
Ele mute ráhtusijd, sirde keeđgijd tâi räähti uđđâ keđgileejijd.
Fastâ toovlášpasâttâsah láá lavváin suojâlum – toi tuávudem lii kieldum.
6. Huolât kárbá pirâsustevlávt
Kárbáin jotteem lii torvolub, ko käärbis já moottor láá huolâttum merikoskâsávt. Tánávt tun iästáh meid puáldimamnâs- já oljoavedem.
Toolâ kárbá vuáđu putesin – tot keeppid puáldimamnâs kulâttem.
Keevti vuosâsaajeest pirrâsân ustevlijd muulsâiävtuid, tego kustim, tedâpoossâm, vuáđuputestemmattoid tâi kárbá luptim puudâi ááigán. Veelti háitulijd antifouling-maalâid.
Tooimât varâlijd pasâttâsâid, tego malâpasâttâsâid, aakuid já patterijd, ääšimiäldásijd nuurrâmčuággáid.
