Bátneduoddara viiddis meahcceguovllu máŋggabealat luondu sánehuhttá. Boares beahcevuovddit čearuid ja váriid bálddas, duottarjávrrit ja -jogat ja Avviljoga rámššas biras geasuha guhkit vánddardemiide. Guovllu áidna merkejuvvon máđija johtá Pahaojas Avviljoga Kultalai, gosa jođedettiin Avviljoga rasttildit heaŋggošalddi mielde. Golleeatnamiin, meahccebargguin ja boazobargguin leat šaddan johtolagat ja bálgát meahcceguvlui. Dat oidnojit kárttain.

Meahcceguovlu heive hárjánan vánddardeaddjiide, dasgo máđija galgá plánet ieš, vuolggasajiid, jogaid rasttildemiid ja galgá maid vuhtiiváldit máttaguovllu jeaggeeatnamiid. Bátneduoddaris vánddardettiin idjadit iežas tealttás: stohpofierpmádat leat smávis ja dan deattočuokkis lea Avviljoga guoras.

Vánddardit sáhttá meahcceguovllu čađa dahje riekkesjohtolahkan. Jos jođát almmolaš johtolagain, vuolggasajiid galgá válljet Laanilas dahje Anáris. Jos jođát iežas fievrruin, vuolggasajit sáhttet leat omd. Pasasjärvi davvegeahči go boahtá Avvila bokte dahje meahccebiilageaidnu mii doalvu Suivakkojärvi ávdinstobu lahka.
Avviljohka luoddu Bátneduoddara meahcceguovllu dego kánjon. Áidna šaldi mii rasttilda joga lea Kultalas.