Bátneduoddara meahcceguovlu heive hárjánan čuoiganvánddardeaddjái. Vánddardemiid áigge idjadeamis sáhttá atnit ávkin guovllu stobuid. Guovllu stobut leat eanaš oassái Avviljoga guoras, nuba stuorimus oasi vánddardeamis čuoigi idjada tealttás. Guovllus eai leat merkejuvvon čuoigan- dahje dálvevánddardanmáđijat. Mohtorgielkáluodda johtá guovllu nuortadavveoasis Rautujärvi ja Bátnejávrri bokte Anára gili guvlui.

Lasi čuoiganvánddardeamis:
Áššedovdi rávvagat lihkostuvvan dálvevánddardeapmái, suomagiella:
Čuoiganvánddardeapmi duoddaris - rávvagat vuosttaš háve johttiide, suomagiella

Bátneskáiddis sáhtát čoaggit luonddus herskkuid reaisoborramušaid lassin dahje boahtit beaivái murjet. Guovlu lea guorbbas, muhto joŋat, sarridat ja luopmánat doppe gávdnojit, jos gávdná buorre šaddansajiid. Guobbariid, earenoamážit "tatteja, rouskuja ja haperoita", sáhttet gávdnot valjis ja daid sáhttá čoaggit, jos ii háliit guođđit daid bohccuide čavčča herskoborramuššan dego badjealbmát.