Rumakuru (Romesskurču)
Rumakuru lea jiekŋabaji suddančáziid gohpan ceakko skurču, mii lea álbmotmeahci merkejuvvon luottaid guoras. Suoločielggis Rumakurui lea 6 kilomehtera. Rumakurus leat vánddardeaddjiid geavahussii guokte beaivestobu, main nubbi lea ráhkaduvvon 1800–1900-loguid molssagis ja nu leage oppa guovllu boarráseamos barta.
Pääsiäiskuru (Beassášskurču)
Pääsiäiskuru lea luonddudili luondduoaidnámuš: duottarskurču, mas sáhttá leat muohta ain suoidnemánus. Pääsiäiskuru beasat imaštallat álket merkejuvvon máđijaid bokte. Suoločielggis, álbmotmeahci poarttas lea geasse- ja dálvemáđijaid bokte moatti kilomehtera mátki skurčui.
Sokosti ja Luirojávri
Sokosti-duoddara čohka ala goargŋun lea máŋgga vánddardeaddji niehku ja mihttomearri. Sokosti allána 718 mehterii ja lea Urho Kekkonen álbmotmeahci ja seammás Nuorta-Lappi alimus várri. Dat lea Luirojávrri nuorttabealde.
Urho Kekkonen álbmotmeahci bearral Luirojávri lea álbmotmeahci gaskaoasis ja dat lea bivnnuhis vánddardanbáiki. Kuusela láigostohpu, Luirojávrri ávdin- ja várrenstohpu ja Rájá barta fállet Luirojávrris vánddardeaddjái albma buorre idjadanbáikkiid. Boares Raappana gámme lea Luirojávri gáttis ja dat lea musea oaidnámuša.
Ukselmaoaivi (Ukselmapää)
Ukselmaoaivvis rahpasa álbmotmeahci fiidnáseamos oainnus! Álbmotmeahci nubbin alimus duottar allána 698 mehtera allodahkii. Ukselmaoaivvi eana lea goike duottarguolbba, gos lea álki johtit.
Nuorttijoga ávži
Urho Kekkonen álbmotmeahci nuortalulágeahčen lea Nuorttijoga ávži, man gaskka Nuorttijohka mohkohallá. Ávžái beassá oahpásmuvvat Nuorttijoga vánddardanjohtolaga mielde.
Bealljeduottar
Bealljeduottar várra dovdojuvvo vuosttažettiin juovlastálu ruovttubáikin! Dat lea áibbas riikka nuorttageahčen dasttán Ruošša rájis. Bealljeduottar lea ártegislágan golmmačohkat báktehivvodat. Duottaralážiin lea hui čielga hápmi ja dat sulastahttet beljiid, maid mielde duoddarii lea várra navdojuvvon diekkár namma.
Bealljeduottar lea riikkaráji lahkosiin rádjeavádagas, ja nuba dohko ii beasa iehčanassii mannat. Lagas Bealljeduottarmarrasis gal beassá fitnat vánddardanjohtolaga mielde ja dakko sáhttá hervvošit ieš Bealljeduoddara.
