Geassebáiki Šuomajoga Goahtijávrri gáddis.
Šuomajoga nuortalašgieddi lei Beahcáma Suonnjelis eret boahtán Semenoffa bearraša geasseássanbáiki jagiid 1946–1948. Beahcámis eváhkkui gártan Suonnjela nuortalaččat ásaiduhttojedje maŋŋelis bissovaččat Čeavetjávrái.
Šuomajoga nuortalašgietti rusttegat
Ássangoahti
• Goahti huksejuvvui jagi 1946 vuosttaš ássanbáikin. Das ásse Oudas, Natalia, Pietari, Helena, Maria, Ontrei ja Eljas.
• Go barta gárvánai jagi 1947, goahtái fárre Iivana “Uts-Evvan” ja Eufrosimia mánáiguin. Go sii fárre Ahvenjárvái, goahti bázi ássameahttumin vuoššangoahtin.
Barta
•Barta várra gárvánai jagi 1947 ja das ásse Oudas, Natalia, Pietari, Helena, Maria, Ontrei ja Eljas. Barta lea huksejuvvon ođđasit jagi 1983. Huksenbarggus ii leat čuovvoluvvon dárkilit álgoálggu huksenmálli, danne go boares barta lei gahččan ja hui guorbbanan.
Sávdni
• Maiddái sávdni lea huksejuvvon ođđasit jagi 1983, danne go álgoálggu sávdni lei gahččan ja hui guorbbanan. Suovvasávdnis dárbbašlaš bassančáhci liggejuvvui ovdal olgun báttis. Gáttis lei golmma geađggi alde čuožžun biktasbassanbátti.
Boazoláttu dahje liemu
• Boazoláttu lea nuortalaččaide mihtilmas Beahcáma huksenárbi. Bohccot ohcejedje láttuide dorvvastallat čuoikkaid ja eará divrriid alde. Boazoláttu ođasmahttojuvvui jagi 1980.
Njalla dahje vuorkááiti
• Njalla ii gula nuortalašgieddái. Njalla juolgi, 260 cm guhkkosaš jalŋŋis, lea leamaš gahččánan juo 1940-logus, go Semenoffat bohte guvlui. Báhcán lea vel fuolalaččat hábmejuvvon vuollemuorra ja dasa luossabivduhámiin čatnon guokte rasttalaš áitti doarjamuora.
Boazoáidi
• Boazoáidi lea sullii 1400 mehtera guhkkosaš gierdoáidi, man viidodat lea sullii 8 ha. Áiddi allodat lea 150 cm. Áiddi čatnamis leat geavahuvvon soađiáigásaš duiskalaš telefovdnakaapalat ja návllat. Áidi lea muhtun muddui divvojuvvon 1980-logus.
Juolgeáiti
• Áiti lea huksejuvvon jagi 1947 eatnamii roggojuvvon sierra jalŋŋiid ala, mat ferrojuvvojedje njálggaid ja sáhpániid eastadeami várás.
Uvdna
• Uvdna lea Matti Sverloff muvrán measta ollásit ođđasit jagi 1980. Uvdnii gullá geađgges njálmmeluokta ja suovvaráiggi luokta. Uvdnis bassojuvvui láibi.
Sávzzabuvrri ja -áidi
• Sávzzat ledje bohccuid maŋŋá nuortalaččaid deháleamos ruoktoeallit. Sávzzat ledje ijaid buvrris. Beaivviid daid dollojuvvojedje biebmanáiddis dahje boazoáiddis, gosa dat vižžojuvvojedje fatnasiin.
Šuomajoga nuortalašgietti sajádatsárggastus
Šuomajoga nuortalašgietti šilljobirrasis leat čuovvovaš visttit ja rusttegat::**
- Ássangoahti
- Barta
- Juolgeáiti
- Uvdna
- Sávdni
- Eanaoapman
- Njalla dahje vuorkááiti
- Beatnatvisti
- Sávzzabuvrri
- Sávzzaáidi
- Boazoáidi ja -gárdi
- Boazoláttu dahje liemu
