Boazodoallu lea árbevirolaš ealáhus

Urho Kekkonen álbmotmeahcis guhtot golmma sierra bálgosa bohccot. Stuorimus oassi álbmotmeahcis gullá Sámi bálgosii, man boazodollui viiddis, oktilaš ja buorreortnegis lean dálveguohtunguovllu mearkkašupmi lea fuomášahtti. Suoločielggi duottarguovlu lea Avvila bálgosii dehálaš guotteteanan. Álbmotmeahci máttanuortaoassi fállá dálveguohtumiid Suoma stuorimus bálgosii, Giema-Soabbadii.

Boazu lea vuogáiduvvan davvi lundui ja dat nákce skáhppot biepmu luondduguohtumiin. Boazu borrá sierra šaddošlájaid jagiáiggiid mielde. Geassit boazu borra ruoná lasttaid, luktiid, suinniid ja sinuid. Čakčat borahit guobbarat, mat leat dehálaš biepmu go boazu ráhkkana dálvái. Dálvemánotbajiin bohccot borret earenoamážit jeahkála.

Guohtonlotnašuvvama jođáhallan lea vuohki atnit luondduguohtumiid ávkin suvdilis vugiin. Bohccot besset álbmotmeahci guovllu buorre guohtunguovlluide easkka šaddanáigodaga maŋŋá. Geasi bohccot leat jekkiin ja johkaguorain borramin ruonás šattuid.

Čakčat bohccot leat fiidnáseamos hámis, go geasi áigge dat leat šaddadan ođđa dálveguolgga ja čorvviid. Stuorimus čoarvvit leat dalle ráves varihiin, sarváin. Dat dárbbašit daid ragatáigge, go dat dáistalit áldduid fuomášumis.

Badjeolbmo geasi stuorra bargu, geassemearkun, bistá sullii guokte vahku. Miesse-geassemánus riegádan misiid beljiide čuhppojuvvo bastilis niibbiin seammá mearka go miesi áldoeadnis.

Čakča-golggotmánu áigge álget bigálusat. Dát badjeolbmo bargojagi čohkka lea jagi galbmasamos ja seavdnjadamos áigge ja joatkašuvvá jahkemolsumage maŋŋá. Bigálusaid áigge buot bohccot rehkenastojuvvojit, niestebohccot njuvvojuvvojit ja bohccot mat guđđojuvvojit eallit besset dálveguohtumiidda.