Vuällamvuõttčiõʹlǧǧõs
Mij täävtõssân lij taʹrjjeed digitaalʼlaž kääzzkõõzzid, kook lie vuällamlaaǥǥan pukid õõʹnnʼjid. Tän vuällamvuõttčiõʹlǧǧõõzzâst mušttlep, måkam vääʹn kääzzkõõzz vuällamvuõđâst lie da mäʹhtt vuäitak uʹvdded miʹjjid maacctõõzz di oouʹdeemeʹtǩǩõõzzid seiddõõzz vuällamvuõʹtte õhttneeʹl.
Tät vuällamvuõttčiõʹlǧǧõs kuâskk neʹttkääzzkõõzz luontoon.fi da Luontoon-suåvldõõzz. Kääzzkõõzz kuâskk lääʹǩǩ digitaalʼlaž kääzzkõõzzi taʹrjjummšest (306/2019, lääddas), mâʹst oudldet, što õõlmâs neʹttkääzzkõõzz âʹlǧǧe leeʹd vuällamlaaǥǥan.
Kovvõõzz seiddõõzz da suåvldõõzz vuällamvuõđâst vuâđđââvv Luontoon.fi-kääzzkõõzz oouʹdeeʹji da åålǥpeällsaž äʹšštobddiorganisaatio ärvvtõõllmõʹšše.
Tät vuällamvuõttčiõʹlǧǧõs lij õlmstõttum Luontoon.fi-kääzzkõõzz vueʹzzeld 16.10.2024. Čiõʹlǧǧõõzz täʹrǩsteš mõõnni vuâra 12.8.2026.
Luontoon.fi-neʹttkääzzkõõzz vuällamvuõđ vueʹǩǩ
Ij-vuällamlaaǥǥan siiskõs
Luontoon.fi-neʹttkääzzkõs teâudd vuällamvuõttõõlǥtõõzzid šuurmõs vueʹzzin. Kõskksaž vaaʹnid põõrǥât koʹrjjeed ǩieʹssmannust 2026.
Aiccâmnallšem
Snimldõõǥǥâst väill teʹksttvaast
Kääzzkõõzzâst lie måtam snimldõõǥǥ, koin väilla kovveei teʹksttvastti. (1.1.1)
Videost väill vaast
Kääzzkõõzzâst lij video, koon visuaalʼlaž siiskõõzzâst väill vaast. (1.2.1)
Snimldõõǥǥi âʹlnn leʹddi teeʹkst lij väʹǯǯel lookkâd. (1.4.3)
Vaaldšemnallšem
Ohjjeemjiârǥâst puäʹtte ouʹdde vääʹn
Ohjjeemjiârgg ij leäkku pääiktõõǥǥi looglaž. (2.4.3)
Elemeeʹnt jie vuäǯǯ kuâsttjeei kõõsktummuž mobiilaparaattivuiʹm
Kääzzkõõzzâst lie elemeeʹnt, kook jie vuäǯǯ kuâsttjeei puällpåʹrddkõõsktummuž mobiilaparaattivuiʹm. (2.4.7)
Puk elemeeʹntid ij pââʹst plaađđâd õõut čuäʹjteei ohjjeemlikstõõzzin
Mobiilaparaattin kääzzkõõzzâst lie elemeeʹnt, koid ij pââʹst plaađđâd õõut čuäʹjteei ohjjeemlikstõõzzin.
Fiʹttjemnallšem
Ǩiõll ij leäkku mieʹrǩǩuum prograammlânji
Veeʹresǩiõllsa pääiʹǩ jie leäkku mieʹrǩǩuum prograammlânji ǩiõllattribuuttin. (3.1.2)
Ooccâmǩeeʹddest väill nõmmlapp
Kääzzkõõzzâst lij ooccâmǩeʹdd, mâʹst väill ǩeeʹjjmieʹldd ääiʹj kuâsttjeei nõmmlapp, kååʹtt kovvââll ǩeeʹdd ââʹnnem-meäʹr. (3.3.2)
Toiʹmmjemsnäätnai
Vueʹjjest mušttleei saaǥǥ
Pääiʹǩ ouʹdde puʹhttemseeid snimldõk-karuseeʹll snimldõõǥǥ vaajtõõvvmõõžžâst jeät iʹlmmtuku teâttikkânlookkja (4.1.3)
Jeeʹres vuällamvuõttvääʹn
- Chattboott ââʹnnmest lie tän poodd vuällamvuõttvääʹn, kook vaigsmâʹtte kääzzkõõzz âânnmõõžž jeäʹrben teâttikkânlookki, puällpååʹrd leʹbe jeeʹres vieʹǩǩteei teknologiai õõʹnnʼjid. Vuâmmšum vaaʹni koʹrjjummuš lij alttuum. (2.1.1, 2.4.3, 4.1.2)
- Kääzzkõõzzâst vuäiʹtte leeʹd kuälmad vueʹsspeäʹl puuʹtʼtem siiskõõzz, kook jie tieuʹd pukid vuällamvuõttõõlǥtõõzzid.
Luontoon-suåvldõõzz vuällamvuõđ vueʹǩǩ
Luontoon-suåvldõs teâudd vuällamvuõttõõlǥtõõzzid vueʹzzi.
Ij-vuällamlaaǥǥan siiskõs
Täk siiskõõzz da tååim jie veâl tieuʹd WCAG-kriteeʹri taaʹzzi A & AA kaiʹbbjõõzzid. Kõskksaž vaaʹnid põõrǥât koʹrjjeed ǩieʹssmannust 2026.
Vueiʹvvnavigaatio
- Navigaatio teeʹksti kontrastt ij leäkku riʹjttjeei. (1.4.3)
Kõʹllʼjempäiʹǩǩ- da aktiviteʹttnavigaatio
- Elemeeʹntid ij pââʹst ââʹnned õõutin čuäʹjteeʹjin. (2.5.1)
Snimldõõǥǥ
- Snimldõõǥǥi teʹksttvasttjid jeät lokku. (1.1.1)
- Snimldõõǥǥi âʹlnn leʹddi teeʹkst lij väʹǯǯel lookkâd. (1.4.3)
Jäänmõsân õnnum tåimm
- Jäänmõsân õnnum -teäddõõǥǥ nõõm jeät pâi lokku. (4.1.2)
Muu meermeäccan -kuâsttjõs
- Kooi-ne teäʹdõõzzi da tååimai âsttjemvuâla nõõm jiâ kuõsttu teâttikkânlookkja riʹjttjeei čiõlggsânji. (4.1.2)
- Meermieʹcc meârkkmõš, što toʹben lij jiõllum, ij vieʹltǩani kuõsttu teâttikkânlookki õõʹnnʼja, jeät-ǥa õõʹnnʼja pâi čiõʹlǧǧed muttâz oʹnnstummšest. (4.1.3)
- Kooi-ne liiŋki nõõm jiâ leäkku riʹjttjeei kovveei krååʹma pirrõõđi konteeʹkst. (2.4.4)
- Jottum meermieʹcci meäʹr kovveei teâtt ij kuõsttu teâttikkânlookkja riʹjttjeei čiõlggsânji. (1.3.1)
Jeeʹres kääzzkõõzzâst õlmmsa pueʹtti vääʹn
- Sââʹj čuäʹjtummuš serddai täujja vännas paaiʹǩid tååimai õhttvuõđâst. (2.4.3)
- Siiskõsvoudda lij väʹǯǯel serddjed teâttikkânlookkjin. (1.3.1)
- Kõʹllʼjempäiʹǩǩčiõlǥtõõzz njuiʹǩǩeemliiŋk jie toiʹmme. (2.4.3)
Vuâmmšiǩ-a vuällamvuõttvääʹn mij digikääzzkõõzzâst?
Vuäitak uʹvdded miʹjjid vuällamvuõđâst vuällamvuõttmaacctõõzz maacctõslomaakkin leʹbe addrõõzzâst luontopalvelut(a)metsa.fi. Mušttâl maacctõõzzstad, mõõn seeidast lij kõõččmõš da kovvõõl vaiggâdvuõđ nuʹtt tärkka ko vueiʹtlvaž.
Jõs vuâmmšak seiddõõzzâst vuällamvuõttvaiggâdvuõđid, uuʹd vuõššân maacctõõzz miʹjjid leʹbe seiddõõzz âʹlnnõõʹnnʼja. Vasttõõzzâst vuäitt mõõnnâd 14 peiʹvved. Jõs jiõk leäkku tååđvaž vuäǯǯmad vasttõʹsse leʹbe jiõk vuäǯǯ vasttõõzz ni vooʹps kueiʹt neäʹttel ääiʹj, vuäitak tuejjeed iʹlmmtõõzz Jååttlõk- da saaggtemkoontâr Traficom, lääddas. Seeidast mušttlet tärkka, mäʹhtt vuäitt tuejjeed iʹlmmtõõzz da mäʹhtt ääʹšš ǩiõttʼtõõlât.
Vuåppâmveʹrǧǧneeʹǩǩ õhttvuõtt-teâđ
Jååttlõk- da saaggtemkoontâr Traficom
www.saavutettavuusvaatimukset.fi
saavutettavuus@traficom.fi
teʹlfon-nââmar, kuvddlõs 029 534 5000