Tiätusyejičielgiittâs

Luontoon-palvâlusâst kevttest norrojeh tiäđuh macâttâsluámáttuvváin.

• Macâttâsluámáttuvváin kevttee puáhtá táátus miäldásávt kyeđđiđ ohtâvuotâtiäđuidis, jis sun haalijd vástádâs jieijâs macâttâsân. Macâttâsluámáttuvváin puáhtá adeliđ čuávuváid persovntiäđuid: ovdânommâ, suhânommâ, šleđgâpostâčujottâs já puhelinnummeer.
• Tevdimáin persovntiätukiedijd kevttee tuhhit, et suu persovntiäđuh vyerkkejuvvojeh Meccihaldâttâs äššigâsregisterân koskâpuddâsávt.

Tiäđuid puáhtá vuorkkiđ äššigâsregisterân meid ko äššigâs lii ohtâvuođâst Luándupalvâlusâi äššigâspalvâlusân puhelimáin tâi šleđgâpostáin, jis äšši váátá lasečielgiittâsâid já uđđâsist ohtâvuođâ väldim äššigâsân.

• Äššigâspalvâlusâst vuorkkimnáál tiäđuh pyehtih leđe ovdânommâ, suhânommâ, šleđgâpostâčujottâs já puhelinnummeer.
• Väldimáin ohtâvuođâ Luándupalvâlusâi äššigâspalvâlusân äššigâs tuhhit, et suu tiäđuid puáhtá vuorkkiđ Meccihaldâttâs äššigâsregisterân koskâpuddâsávt lasečielgiittâsâid vättee aašijn.

Tiäđuh meddâlistojeh automatlávt čuávuváá kalenderive loopâ räi. Kevttee puáhtá táttuđ registertuállee meddâlistiđ tiäđuid jo tooleeb.

Macâttâsluámáttuvváin nurrum tiäđuh sirdâšuveh Meccihaldâttâs pirâs- já kvaliteetvuáháduv macâttâsvuáđun. Persovntiäđuid iä luovât Meccihaldâttâs ulguubeln já toh kieđâvuššojeh tuše ETA-kuávlu siste.

Luontoon.fi -siijđoi suoijimist nuávditteh šiev tiätutorvovuáháduv sehe vyeimist orroo laavâid já njuolgâdusâid sehe toid tievâsmittee Meccihaldâttâs ravvuid. Vuáháduv kevttim lii räijejum kevttimvuoigâdvuođâiguin tuše ulmuid, kiäh tarbâšeh tiäđuid pargostis.

Luontoon.fi -viermipalvâlusâst kevttih niästádâsâid ("cookies"). Niästádâsah láá om. tiättur teikâ puhelin laađđâm já server koskâsiih uccâ tekstâvuárháh. Niästádâsâin já eres tubdâldâsâin lii miäruštâllum vyeimistorrooäigi, mon maŋa laađđâm váldá meddâl tubdâldâs. Mij kevttip taid tekniikijd tooimâi olášutmân sehe analytiikân. Laađđâm asâttâsâin kevttee puáhtá nuuvt haalijddijn kieldiđ niästádâsâi vuástáväldim teikâ sikkođ meddâl suu laađđâmân vyerkkejum niästádâsâid. Taat puáhtá kuittâg tovâttiđ vááijuvvuođâ siijđoi toimâmist. Tun uáináh siijđoi puoh kevttum niästádâsâid já jieijâd adelem niästádâsasâttâsâid já puávtáh mutâččiđ asâttâsâid siijđoi vyeliuásist leijee Niästádâsasâttâsah-liiŋkâ peht.

Macâttâsluámáttâh lii syeijejum Cloudflare Turnstile -palvâlussáin, mii iästá verivuođâlijd tooimâid. Ääši árvuštâldijnis palvâlus siäilud já kieđâvuš teknisijd tiäđuid, tego IP-čujottâs já laađân tiäđuid. Teknisijd tiäđuid puáhtá kieđâvuššâđ meid EU ulguubeln, já sirdemijn kiävttojeh laavâmiäldásiih syejitooimah. Lasetiäđuh: Cloudflare Privacy Policy (cloudflare.com, eŋgâlâskielân).

Mij nuurrâp Luontoon.fi-viermipalvâlus kevttimist tiäđuid niästádâsâittáá Snoobi Analytics -palvâlussáin. Viermipalvâlus kuállejeijein iä nurruu persovntiäđuh, main ovtâskâs kuállejeijee puávtáččij tubdâđ. Tiäđuh kiävttojeh viermipalvâlus oovdedmist. Nurrum tiäđuh siäiluduvvojeh Snoobi Analytics -tyejipiergâsist. Snoobi haaldâš täid tiäđuid tiätusyejikeevâtlâšvuođâidis miäldásávt. Lasetiäđuh láá Snoobi Analytics viermisiijđoin (snoobi.com).

Registeristum ulmust lii vuoigâdvuotâ pivdeđ registertuállest sunjin kyeskee tiäđuid sehe vuoigâdvuotâ pivdeđ epitärhis já puástutiäđui njuolgim já toi kieđâvuššâm raijim nuuvt kuhháá ko visásmiteh ete tiäđuh tuálih tiäivás. Registeristum ulmust lii meid vuoigâdvuotâ toohâđ väidim kocceemvirgeomâhâžân persovntiäđui kieđâvuššâmtooimâin.

Tiätusyejičielgiittâsân já registeristum ulmuu vuoigâdvuođáid kyeskee koččâmuššáid västid vuosâsajasávt vuáháduv registerovdâsvástádâsolmooš Joel Heino (joel.heino(at)metsa.fi) sehe tiätusyejivästideijee Anna-Leena Ruuth (Anna-Leena.Ruuth (at)metsa.fi). Tiätusyejiaašijn mij pivdep väldiđ ohtâvuođâ vuosâsajasávt kirjálávt njuolgist registertuállei: Metsähallitus/Kirjaamo, PL 80 (Opastinsilta 12 C), 00521 Helsinki teikâ muulsâiävtulávt čujottâsân: tietosuoja(at)metsa.fi.

Peividum 11.11.2025

Päivitetty 8.9.2024