Juhâkärbissáttu lii älkkees já mielâkiddiivâš vyehi peessâđ njuolgist aalmuglâšmeeci váimusân. Piäiváliih vuáruh tuálvuh Rovâdâskorže tâi Kollehaammân kuuvl, kost määđhi puáhtá juátkiđ njyebžilávt vääzin. Huámmáš, et Rovâdâskorže raijiittâsuásist jotteem lii loválâš tuše pálgái mield. Koskâkeesi ääigi vuárukäärbis jotá sehe iđedist já ehidist. Algâkeesi já čohčuv joteh tuše eehidvuolguuh. Lemmee irâtteijeeh uárnejeh meid jieškote-uvlágán teemai miäldásijd kärbismaađhijd aalmuglâšmiäcán já fäälih tiilámsáátuid kárbáiguin.