Paijeel peeli ivveest Lemmee lii čuoigâmvandârdeijee väldikodde. Muottuu luávdim juhâvyemeh, tuoddâreh já vijđes jeegih láá maaŋgâpiälásiih já kirjáás čuoigâmenâduvah. Lemmee tälviluándu piäsá uáiniđ jo peivimacâi kolliimáin juhâvuámán tâi tuoddâráid, mut pyeremus tilestis aalmuglâšmecci lii peeivij tâi ohoi kukkosij čuoigâmvaajâldmij ääigi. Aalmuglâšmeecist ij lah aitârdum saaveehlätteeviärmádâh, mut čuoigâmmaađhijn puáhtá kevttiđ iššeen risijguin merkkejum huolâttâsrađe, mii jotá Njurgoiluovtâst Morgamojan. Juuvâkielâsân jotá vist kuávlu mađhâšemirâtteijei kevttim kiälkkárađe, mon mield puáhtá meid čuoigâđ tâi väzziđ muotâkammuiguin. Jis sundedem já tälvivandârdemtááiđuh láá haaldust, te ubbâsij rijjâvuođâst puáhtá navdâšiđ jyehi saajeest aalmuglâšmeecist.