Aanaarjävri, kote lii ohtâ Suomâ stuárráámusâin jaavrijn, fáálá merettes ennuv vyelgimsoojijd já kiäinuid. Jäävri kulen puávtáh vandârdiđ peivimacâi, mut puávtáh viettiđ tobbeen veikkâ ubâ keesi – jiehke tallegin kiergân tutkâđ ko tuše uási ubâ jäävrist. Aanaarjäävri asevijđodâh lii 1 084 neljihâškilomeetterid já tot lii Suomâ jaavrijn kuálmádin stuárráámus. Aanaarjävri stuorrâ jorŋâidiskuin lii vátávâš čuosâttâh jävrimiälloi.

Aanaarjävri luáštá Paččvei mield Barentsmeerân Varjâvuonân. Jäävri čäcitääsi lii sudes čääsi ääigi suullân 119 meetterid meerâtääsi paajaabeln. Jävri tulvâduvvoo Paččveejeest Ruošâ peln leijee Tiäbđookiävŋá vyeimilájádâssáin. Vyelemus tääsist jävri lii vyesimáánu aalgâ peln, ko jäävrist láá vala jieŋah. Talle čäcitääsi lii suullân 1,5 meetterid vyeliláá ko keessiv. Ko jieŋah suddeh vyesi-kesimáánust, te jävri paijaan jotelávt ton kesiääigi alodâhân. Nuuvtpa čaasij alne jottee ij veltihánnáá ollágin huámmáš tulvâdem.

• Aanaarjäävrist ridottes joorŋah, poskis čuálmih, tuháttij mield ponjepeesijd šaddee källeesuolluuh já kukken šiärrájeijee väärih já tuoddâreh mulsâšudeh miälloo uáinusist.
• Aanaarjäävrist láá valmâš kiäinumuulsâiävtuh, moi keežild jáávrán uápásmem lii älkkee.
• Aanaarjäävrist jotteemriäidun šiev valjim lii merâjotemân heivejeijee kaajaak.
• Aanaarjäävrist vandârdeijei toorjân lii kárbáinjotteemtoorjâsoojij viärmádâh.
• Ko vuálgá Aanaarjäävri oolâ, te ferttee haldâšiđ meeccistjotteemtááiđuid.
• Juvduu puáhtá lyeštiđ kanottáin tâi kuoškâkajakkáin, eereeb poršoo Njuámmilcoskâs.