Sámemusea ja Davvi-Sámi luondduguovddáš čájáhusas oahpásmuvat davvi lundui ja sámekultuvrii. Siida válljejuvvui jagi 2024 sihke Suoma ja Eurohpá jagi musean.

Eanemus beakkán oaidnámušat Anára vánddardanguovllus leat Bielbajávrri meahccekirku, Ohcomaš, Bieggaoaivi, sápmelaččaid bassi Ádjásuolu ja hávdeeanansullot Anárjávrris.

Anárjávrri gohčodit Sámi mearran, mii válddáhallá bures Suoma goalmmádin stuorámus jávrri. Anárjávrris lea stuorra sealggit, badjel 3000 sullo ja olu coahkásat, mat addet jávrái iežaset steampila.

Lohkameahttun sulluin ja guhkes gáddesárgás fuolatkeahttá Anárjávrri gáttiin lea unnán ássan dahje barttat. Eandalii jávrri davveoasis johtti oažžu leat duođaige ráfis, guhkkin mohtoriid jienain ja gávpogiid šlámas.

Anárjávrái lea álki vuolgit hámmaniin, main leat oahpistantávvalat ja ekočuoggát. Dakkárat leat Anáris, Njellimis, Veaskonjárggas ja Naŋŋânjárggas. Sulluin, main leat Meahciráđđehusa stobut, gohttensajit dahje oaidnámušat, leat kájat gáddái boahtima váras.

Bielbajávrri ja Ohcomačča vánddardanláhtut vuddjojuvvojit moddii vahkus čuoiganluopmovahkus gitta beassážiid rádjai.