Suoma stuorámus jávrriide gullevaš Anáris meallus lea fállun rájehis mearri vuolginsajit ja johtolagat. Jávrri alde sáhttá dahkat beaivemohki, muhto doppe sáhtát maid loaktit olles geasi, ja it dallege geargga fitnat juohke báikkis. Anárjávrri viidodat leat 1 084 njealjehaskilomehtera ja dat lea Suoma jávrriin goalmmádin stuorámus. Anárjávri oktan dan stuorra fávlliin lea hástaleaddji báiki jávremealluide.

Anárjávri golgá Báhčaveaji mielde Barentsmeara Várjjatvunnii. Jávrri viidodat lea suttisčázi áigge sulaid 119 mehtera mearradási bajábealde. Jávri muddejuvvo Báhčaveajis Ruošša bealde lean Kaitakoski fápmolágádusain. Vuolimus dásis jávri lea miessemánu álggobealde, go jávri lea jieŋas. Dalle go dan dássi lea 1,5 mehtera vuolleleappos go geassit. Jieŋaid suttadettiin miesse-geassemánus jávri dulvá johtilit geasseáigge allodahkii. Čázi alde johtti ii vealttakeahttá oppa fuobmáge muddema.

• Anárjávrris meallu eanadagas molsašuddet gáttehis sealggit, seakka čoalmmit, duháhat lássái sullot, main šaddet roaŋkebeazit ja guhkkin oidnon várit ja duoddarat.
• Anárjávrái oahpásmuvvama álkidahttet gárvves máđidjamolssaeavttut.
• Anárjávrris johtinneavvun buorre válljejupmi lea kajáhka, mainna birge meara alde.
• Anárjávrris vánddardeaddjiid doarjjan lea fanasdoarjjabáikkiid fierpmádat.
• Meahccedáidduid galgá hálddašit go vuolgá Anárjávrái.
• Juvdujoga sáhttá luoitit kanohtain dahje guoikakajáhkain vuhtii válddekeahttá boršu Njoammelguoikka.