Davvi-Sámi meahcceguovllut fállet buoremus
vejolaš birrasa hárjánan meahccevánddardeddjiide, geat háliidit návddašit
meahci ráfis ja vánddardit iežaset bálgáid mielde deaivvakeahttá eará
vánddardeddjiid.
Eatnamiin lihkadeapmi gáibida buriid dádjadan-
ja vánddardandáidduid sihke biergasiid, maiguin ceavzá heajutge dálkkis. Dušše
muhtin meahcceguovllus lea muhtin ávdinstohpu dehe merkejuvvon johtolat.
Meahcceguovllut leat viidát, orukeahtes
guovllut. Árbevirolaččat meahcit leat leamaš meahcivalji ja guoli bivdoguovllut ja
dain leat gávdnon maid ođasnuvvi luondduriggodagat. Eanodaga, Anára ja Ohcejoga
meahcceguovllut leat sámiid ruovttuguovllus. Doppe hárjehit boazodoalu,
luondduealáhusdoaimma ja dálá áigge maid turismma.
Meahcceguovlluid vuovddit bisuhuvvojit
luonddudilis dehe hárjehuvvo dušše luondduviđameahccedoallu. Guovlluide ii oaččo
dahkat bistevaš luottaid.
Suomas leat 12 meahcceguovllu, maid
ollesviidodat lea measta 15 000 km² . Meahcceguovlluin atná ávvira Meahciráđđehus.
Dieđuid Kemihaara ja Tuntsa meahcceguovlluin gávnnat min neahttasiidduin
suomagillii ja ruoŧagillii.
